| NOV 2009
{Perfect 10} 
黎家細少爺生日,舉家歡騰。 細少爺年齡踏入雙位數,好可惜智商依然保持單位數。 不知自何年何月何日起,無論家中邊個生日,都以 Pizza 代蛋糕。今次口痕痕想食番蛋糕,算得上是反樸歸真。要有資格作為生日蛋糕,一係要有芒果,一係要有朱古力,否則食之無味。今次有芒果,很好! 待明年,細少爺十一歲,大少爺十八歲,齊齊拎身份證。Yeah! .
|
| |
| NOV 2009
{一人一日.一杯奶茶} 
街頭街尾,人人手執一杯珍珠奶茶。 這一個 2009年,由年初兩三間台式飲品店,到今天年尾經已百花齊放,每五步就有一間。對於我呢D唔帶水出街,又唔想成日去七仔買樽裝綠茶既懶人而言,其實是一個很好的選擇。今天,一如過往,手執一杯 750cc 的大杯裝珍珠奶茶,竟飲了足足三小時:
1- 買奶茶時,Sales:「小姐,駛唔駛飲筒?」 明明我平胸,短頭髮,可是這一年已被叫錯五次有一. (也許我與 Lesbian 的特徵已經無異,我要開始接受自己係一個Lesbian,唉...)
2- 出師未捷,過馬路前低頭竟然發現白色衫的一角弄有奶茶積.
3- 到 Salon 剪頭毛,半杯奶茶被冷落了整整一小時.
4- 上車時,三頭六臂都不夠用。請嘗試 picture 一下: a-左手用拇指食指夾一杯奶茶 b-左手三四五指捧一個銀包 c-右手收傘,用胸口頂番個傘杷入去 d-右耳同右膞夾住一個電話 此乃香港人通病,只是我無聊描繪得細膩一點.
5- 終於飲晒奶茶,杯底驚現二十粒現珠. 車上百無聊賴,好 high 地遂粒遂粒啜入口. 無聊一記奶茶,香港善變,難保他朝萬人空巷奶茶圖消失。 .
|
| |
| NOV 2009
{He Wolf vs She Wolf}
核突到呢......
Shakira 在火辣辣的《She Wolf》MV 中妖到盡 ,出街後竟然有人模仿,每個鏡頭每個動作似足原版。正因此低成本創作的甩甩漏漏,尤其是後段一班人High爆的小巫同太巫,真係笑到我。
|
| |